Жорий йилнинг 18 март кунида Тошкент шаҳар бошқарув органлари ўртасида “Энг яхши кўп квартирали уйни бошқариш органи” кўрик танловини ўтказиш тўғрисида”ги Ўзбекистон Республикаси Қурилиш ва уй-жой коммунал хўжалиги вазирининг 2025-йил 3-февралдаги 18-сонли буйруғига асосан “Энг яхши кўп квартирали уйни бошқариш органи” кўрик танловининг 2-босқичига старт берилган эди.
Тошкент шаҳар кўрик танловининг 2-босқичида иштирок этган
9 та Бошқарув органларининг Ўзбекистон Республикаси Қурилиш ва уй-жой коммунал хўжалиги вазирининг мазкур буйруғида белгиланган кўрсаткичлар асосида туман ишчи комиссиясига танлов иштирокчилари томонидан тақдим этилган, моддий техник базасига эгалиги, маъмурий биноси мавжудлиги, ҳудуддаги барча кўп қаватли уйларни қамраб олинганлиги, «Менинг уйим» биллинг тизимига мулкдорлар рўйхати тўлиқ киритилганлиги, 24/7 диспетчерлик хизмати мавжудлиги, мулкдорларга қониқарли хизмат кўрсатиб келаётганлиги ва бошқа кўрсаткичлари ўрганилиб, шаҳар ишчи комиссиясига ҳужжатлар тақдим қилинди.
Ўрганишлар натижаларига кўра 19 март куни шаҳар кўрик-танловининг 2-босқичи ўтказилди ва қўшимча маълумотлар ҳамда ишчи гуруҳларнинг далолатномаларига кўра комиссия томонидан баҳолаш кўрсаткичларига асосан Яккасарой туманидан “CLASSIC BUILDING COMMUNAL” МЧЖ, Олмазор туманидан “OLMAZOR HOLDING GRAND” МЧЖ ва Юнусобод туманидан “FENIKS ART SERVIS” МЧЖ бошқарув сервис компаниялари кўрик танловнинг Республика босқичига ўтказилиши таклифи берилди.
Шу билан бирга барча 2- босқич иштирокчилари қимматбаҳо совғалар билан тақдирландилар.
